Францускиот претседател Емануел Макрон накратко беше заглавен во сообраќајот во Њујорк откако полицијата ги затвори улиците за да ѝ дозволи на колоната на американскиот претседател Доналд Трамп да помине.
Макрон, кој е во Њујорк за 80-тото заседание на Генералното собрание на ОН, се движел кон француската амбасада кога неговото возило било запрено поради безбедносните мерки за колоната на Трамп, објави „Ла Депеш“.
New York police stopped Macron’s motorcade to let Trump pass
In New York, police stopped the French president’s motorcade as the road was closed for Trump’s passage. Macron got out of the car, called Trump, and jokingly asked him to “clear the way.” pic.twitter.com/qO170xUpy5
— Visegrád 24 (@visegrad24) September 23, 2025
Според извештаите, францускиот лидер му пришол на полицаец за да се распраша за блокадите. На видеото може да се види како му се јавува на Трамп и на шега вели: „Како си? Погоди што? Чекам на улица бидејќи сè е затворено поради тебе“.
Потоа Макрон решил да го продолжи своето патување пеш, одејќи околу 30 минути низ улиците на Њујорк додека разговарал со Трамп. За време на прошетката, тој се фотографирал со минувачите кои го препознале. Едно лице дури и го бакнала во челото.