Шпанска винарија претрпела загуби од повеќе од 2,5 милиони евра откако неидентификуван натрапник истурил 60.000 литри вино.
Претставник на винарската визба „Сепа 21“ изјавил за Би-Би-Си дека истуреното вино е од две од најскапите сорти, додавајќи дека инцидентот се случил околу 3:30 часот по локално време во неделата и дека натрапникот најверојатно бил запознаен со просториите на винаријата.
Полицијата го истражува случајот, при што на надзорната камера е забележано лице со качулка како ги отвора резервоарите и бурињата со вино.
👮🏻♂ Asaltan la prestigiosa bodega de José Moro en Valladolid y vacían 60.000 litros de vino valorados en 2 millones de euros #Valladolid #GuardiaCivil
◾️ La afamada bodega Cepa 21, propiedad de José Moro, elaboradora de la DO Ribera del Duero, sufrió el pasado fin. pic.twitter.com/dL0rQz3Z0g
— CIU Cuerpos Institucionales y Ciudadanos Unidos. (@Cuerpospolicia1) February 19, 2024
Претставникот на „Сепа 21“ изјавил дека „тешко било да се отворат резервоарите“ во кои има безбедносен механизам, а претходно да не си запознаен со такви информации.
„Лицето многу лесно и вешто се движеше низ просториите, иако беше темно. Тоа мора да биде човек кој многу добро ја познава винаријата“, додал претставникот.
Натрапникот отворил пет резервоари, иако само во три имало вино. „Сепа 21“ се наоѓа во Кастриљо де Дуеро, мало село на северо-источниот дел на Шпанија.