Претседателот на САД, Доналд Трамп, објави „скриншот“ (снимка од екранот) од порака на платформата Truth Social, наводно од Марк Руте, во која шефот на НАТО го фали Трамп и вели дека е „посветен на наоѓање решение за Гренланд“.
Часови претходно, Трамп во посебна објава рече дека имал „многу добар телефонски разговор“ со Руте за Гренланд и дека се согласил да се сретне со „различни страни“ на форумот во Давос во Швајцарија.
„Господине претседателе, драг Доналд, она што го постигнавте денес во Сирија е неверојатно. Ќе ги искористам моите медиумски настапи во Давос за да ја истакнам вашата работа таму, во Газа и во Украина. Посветен сум на наоѓање решение за Гренланд. Едвај чекам да ве видам. Ваш, Марк“, напиша Руте.
Фото: Welt
Снимката од екранот е објавена со натпис „Ви благодарам, Марк Руте, генерален секретар на НАТО!“
CNN не можеше независно да ја потврди автентичноста на пораката и се обрати до прес-службата на НАТО за коментар. Трамп, исто така, објави снимка од порака од францускиот претседател Емануел Макрон, за која извор близок до Макрон потврди дека е автентична.
Руте во минатото беше многу комплиментарен кон Трамп, фалејќи го претседателот за започнувањето разговори за Русија и Украина во декемвриското интервју за Си-Ен-Ен, а минатото лето го нарече нападот на Трамп врз нуклеарната програма на Иран „исклучително импресивен“.