Над 1/5 од српските граѓани (22%), потенцијално сакаат да емигрираат од земјата, покажуваат резултатите од истражувањето на тема “Зошто луѓето ја напуштаат Србија” на организацијата “Србија 21”, направено во јуни и јули оваа година меѓу илјадници полнолетни граѓани.
Меѓу оние кои планираат да ја напуштат Србија, доминираат луѓе на возраст од 18-29 години (34% или 450.000 граѓани). Од оние кои сакаат да заминат во странство, 45% размислуваат за постојано преселување. Најчестите причини за напуштање на земјата се стандард на живот (41%), подобро платена работа (36%) и лошата ситуација во државата (9% од испитаниците).
Западните земји се цел на 85% од испитаниците, а само 2% укажуваат на Русија како посакувана дестинација. Покрај Србија, студијата, исто така, беше спроведена меѓу дијаспората со онлајн анкета, во која беа вклучени 2.149 постари граѓани кои се преселија надвор од Србија.
Мнозинството учесници (92%) сметаат дека нивните животи во странство се подобри отколку што беа во Србија. На прашањето зошто се чувствуваат подобро во странство, 37% велат дека имаат подобар стандард на живеење, регулирана држава (13%) и безбедност (6%).
На прашањето “Дали ќе се вратите во Србија?”, 41% одговориле дека не планираат такво нешто, а 35% одговориле дека ќе се вратат, но само по пензионирањето. Вкупно 90% од испитаниците ја гледаат иднината на нивните деца во странство.