Москва е навикната на постојаната политика на обвинувања кон Русија што ја водат западните земји и САД. Тоа само покажува непочитување на етичките норми на нашите партнери. Ова не е во согласност со меѓународните норми, рече рускиот министер за надворешни работи Сергеј Лавров во средата во Загреб кога новинарите го прашаа за обвинувањата во американските медиуми дека Русија стои зад откриеното огромно хакирање на американските владини и приватни информациски системи.
Дипломатски едноставен, без директно повикување на суштината на прашањето, но со јасна порака – и вие се однесувате така. Бидејќи, благодарение на модерната технологија, секој хакира ского.
Сајбер простор
Во САД овие денови, со завист гледаат на ЕУ, каде што е воспоставен нов систем за сајбер безбедност.
„Одржувањето на европските вредности и интереси во сајбер просторот е клучно за нашите демократии, нашите економии и за нашите општества“, рече шефот на ЕУ за надворешна и безбедносна политика Жозеп Борел. И додаде:„Геополитичката конкуренција и ерозијата на мултилатерализмот имаат конкретни импликации врз сајбер просторот и на крај врз нашите животи и нашите права“.
Во средата, демократскиот сенатор Ричард Дурбин го нарече рускиот сајбер напад врз американската влада и приватните компании „виртуелно објавување на војна“.
Друг демократски сенатор, Ричард Блументал, објави дека, откако добил извештај за руски сајбер напад, тој бил „длабоко вознемирен, всушност крајно исплашен.
„Американците заслужуваат да знаат што се случува“.
Претседателот Доналд Трамп молчи, а „Њујорк Тајмс“ шпекулира дека станува свесен дека кругот е затворен: тој дојде на власт под обвинувања дека му помогнала руската сајбер интервенција во изборниот процес и дека заминува кога ќе се открие досега најсилниот напад на Русија.
Неговиот опсег сè уште не е утврден, но сигурно е дека Стет Департментот, Националната безбедност, Министерствата за финансии и трговија и секако делови од Министерството за одбрана биле нападнати – и можеби се уште се. Каде молчат. Прашањето кое виси во воздухот е до кој степен разузнавачките служби и нуклеарните лаборатории се компромитирани? А, ЦИСА, владината агенција за заштита на сајберпросторот и инфраструктура, во моментов е без шеф. Трамп го отпушти Крис Кребс затоа што не се согласуваше со него околу масовните изборни измами.
Си-Ен-Ен цитира експерти кои стравуваат дека опфатот на упадот никогаш нема да биде целосно разбран. Според достапните информации, целта на нападот била електронска пошта на работ на безбедносниот систем, оние за кои работат приватни компании, преку кои хакери се инфилтрираат во системот и удобно се населуваат таму и продолжуваат да шират „пипци“. Ако одиме малку похрабро во анализата, не е исклучено Русија, по невремето што го предизвика во 2016 година, да го искористи фокусот на американската сајбер-заштита врз изборните системи и да навлезе во владините системи.
– Ова е виртуелна инвазија која бара одговор. Морам да им покажам на сите, вклучително и на Русија, дека цената за таков напад е скапа. Не, не сакам да кажам дека ќе војуваме со Путин, но нема повеќе пријателство – отворено рече сенаторот Дик Дурбин.
Мудра руска операција
„Њујорк Тајмс“ наведува дека нападот е квалитативно различен од нападот што руската тајна служба ГРУ го изврши во 2016 година врз серверот на Демократската партија. Тој напад траеше кратко, тактички беше дефиниран како „провали, укради и потоа разгласи“.
Од другата страна е СВР, друга руска тајна служба што влезе во Стејт департментот во 2015 година со поинаква тактика – да влезе и да остане.
И да молчи за тоа.
Привремениот тим на новоизбраниот претседател Џо Бајден доби основни информации за нападот, пренесува Си-Ен-Ен. Бидејќи, тоа е уште една криза што се заканува со почетокот на работата на новиот американски претседател кој ќе мора да најде механизам за обезбедување на информативниот систем и да ги дефинира односите со Русија во светло на овој напад.
Компанијата за интернет-безбедност „FireEye“ објави во средата дека малициозен софтвер содржи „убиствен прекинувач“ што може да се искористи за да се исклучи. Но, дури и откако деактивиран малициозниот софтвер, постои веројатност нападнатите системи да останат достапни на напаѓачите, изјави портпаролот на FireEye.