Данците ја победија Чешка со 2:1 во четвртфиналето во Баку и во полуфиналето ќе играат против Англија.
„Ова е чудо, ова е лудо. Пред натпреварот имавме цел да се избориме за натпревар на „Вембли“. Тоа што Кристијан Ериксен е добар значи дека можеме да продолжиме да туркаме. Тој знае дека играме за него“, изјави капитенот Симон Кјаер за „ДР“.
„Тешко е да се најдат зборови, тоа беше тежок меч, знаевме дека ќе биде тешко. Игравме против противник кој има извонредна сила и кој има ист интензитет како нас. Знаевме дека треба да одговориме на тоа и моравме да ги искористиме нашите квалитети. Првото полувреме беше многу добро, тие постигнаа гол во второто полувреме, а потоа создадоа голем притисок. Но, ние издржавме“, додаде данскиот голман Каспер Шмајхел, пренесе „Индекс“.
Чесите не ја криеја тагата и разочарувањето.
„Многу сме разочарани затоа што се заврши тука. Мислам дека сторивме сè за да успееме, но немавме сили да направиме пресврт“, изјави за националната телевизија Патрик Шик, стрелец на пет гола на Чешка на ова првенство.
„Данска е одличен тим. Тие се бранеа многу добро. Нивното рано водство им помогна на нивната тактика. Тие се толку тешко да се пробијат. Штета“, рече чешкиот капитен Владимир Дарида.
„Нема од што да се срамиме. Покажавме добри перформанси и борбеност, се боревме како лавови. Тоа беше очигледно и на денешниот меч. Срамота е што не изедначивме“, додаде чешкиот капитен.