Светската фудбалска федерација, ФИФА стана првата спортска организација во светот која лансираше сопствен сервис OTT за пренос на натпревари. Најавено е дека ФИФА +, како што се нарекува сервисот, ќе понуди врвна платформа за сите љубители на фудбалот – и тоа бесплатно.
ФИФА + ќе емитува повеќе од 40.000 натпревари годишно, од кои околу 11.000 се женски и 29.000 машки фудбал, од сите делови на светот и од сите шест светски конфедерации. Гледачите ќе имаат на располагање натпревари кои до сега не можеле да ги следат во живо од бројни светски лиги, јуниорски и сениорски. Веќе сега, веднаш по стартувањето на услугата, месечно ќе бидат достапни 1.400 фудбалски натпревари, а тој број многу брзо ќе се зголемува.
Пред почетокот на овогодинешното Светско првенство во Катар, ФИФА + ќе стане извор на богата архива на натпревари – на оваа платформа ќе можете да гледате сè и еден меч досега снимен на сите претходни светски првенства, во машка и женска конкуренција. Тоа ќе биде вкупно повеќе од две илјади часа материјал, за прв пат достапен за сите љубители на фудбалската историја.
Згора на сите натпревари, ќе можете да ги гледате нивните резимеа, голови и клучни моменти. Во архивите ќе има повеќе од две и пол илјади видеа, направени од 1950-тите па наваму.
Имајте предвид дека преносите од претстојното Светско првенство на ФИФА во Катар нема да бидат достапни на оваа услуга, бидејќи правата за ова одамна се продадени на дистрибутерите.