Ѕвездата на Пари Сен Жермен, Лионел Меси донесе цврста одлука за својата иднина. Аргентинецот планира да го исполни договорот и ќе остане на „Паркот на принцовите“ и следната сезона, тврди „Мундо Депортиво“.
Парижаните се на пат да ја освојат титулата во Лига 1 оваа сезона. Сепак, тимот повторно потфрли во Лигата на шампионите, каде во 1/8-финалето беше елиминиран од Реал Мадрид. Овој турнир беше приоритет за клубот во последните години, но тој никогаш не успеа да го исполни својот сон. Сепак, Меси е решен да направи се што е можно и да му помогне на тимот да го подигне најпрестижниот клупски трофеј во следната кампања.
Дури откако ќе му истече договорот со Пари Сен Жермен на 30 јуни 2023 година, напаѓачот ќе размисли дали да потпише нов со францускиот клуб или да се обиде со нов предизвик во САД или во родната Аргентина.
По неговиот трансфер од Барселона во ПСЖ, Меси изгледаше тешко да се навикне на новонастанатата ситуација и да се прилагоди на стилот на игра на тимот. Постепено, сепак, тој почна да се пронаоѓа себеси. Иако не постигнува толку многу и има само 8 гола, 34-годишниот Аргентинец е исклучително корисен во улогата на асистент, откако досега има 13 асистенции.