Манчестер Јунајтед и официјално го објави потписот на Кристијан Ериксен. Данскиот играч за врска потпиша договор до летото 2025 година. Сега веќе поранешниот играч од средниот ред доживеа срцев удар минатото лето за време на Евро 2020 година, но потоа се врати во Премиер лигата во јануари и импресионираше со своите игри. На „Олд Трафорд“ пристигна како слободен играч.
„Манчестер Јунајтед е посебен клуб и едвај чекам да започнам. Ја имав привилегијата да играм многу пати на „Олд Трафорд“, но да го направам тоа во црвениот дрес ќе биде неверојатно чувство. Ја гледав работата на Ерик во Ајакс и нивото на подготвеност и внимание на деталите секој ден, што ми стави до знаење дека тој е фантастичен тренер. Разговорот со него и учењето на неговата визија, гледањето како сака да игра со тимот ме направи уште поентузијаст за иднината. Сè уште имам огромни амбиции во фудбалот и има многу повеќе што можам да постигнам. Мислам дека ова е совршено место за тоа“, вели Ериксен.
Christian Eriksen is a RED! ✍️🔴#MUFC || @ChrisEriksen8
— Manchester United (@ManUtd) July 15, 2022
Кристијан Ериксен станува првото големо засилување на Манчестер Јунајтед ова лето, откако досега го привлече само Тајлер Маласија од Феенорд. Се очекува до крајот на неделата „црвените ѓаволи“ официјално да го објават договорот за Лисандро Мартинез, но иднината на Френки де Јонг, кој е многу посакуван од Ерик тен Хаг, се уште е обвиткана во неизвесност.