Кинеската Jiyue Auto (заеднички проект на Geely и Baidu) го најавува новиот Jiyue 07 liftback, а првите официјални слики покажуваат дека тој не се разликува многу од минатогодишниот концепт.
Jiyue допрва треба да објави фотографии од внатрешноста на лифтбекот, но се шпекулира дека 07 ќе добие единствен екран низ целата ширина на предниот панел, како неговиот сестрински кросовер Jiyue 01.
Електричните автомобили Jiyue се базирани на платформата Geely SEA, при што Jiyue 07 најверојатно ја споделува технологијата со претходно прикажаниот теренец Jiyue 07.
Ова значи дека можеме да очекуваме две верзии; основната, која има еден електромотор од 272 коњски сили на задната оска, како и врвната верзија со погон на четири тркала и два електромотори со вкупна моќност од 544 КС.
Во зависност од верзијата, батериите ќе бидат 71,4 kWh или 100 kWh. Во првиот случај досегот е 550 km, а во вториот 720 km (според кинескиот CLTC стандард).
Jiyue 07 liftback ќе има официјална промоција во првата половина на следната година.