15
Американскиот претседател Доналд Трамп најави дека денеска ќе стапат на сила тарифите од 25 отсто за стоки увезени од Канада и Мексико, велејќи дека двата главни американски трговски партнери „повеќе немаат простор“ да преговараат за да ги избегнат санкциите.
Трамп нагласува дека целта на тарифите е да се „казнат“ земјите кои, како што тврди, земаат од американската економија и не даваат доволно за возврат.
Американскиот претседател, исто така, потенцира дека ќе додаде уште 10 отсто царина за стоки од Кина, покрај 10 отсто што ги воведе минатиот месец. Од друга страна, министерот за трговија Хауард Лутник потврди дека глобалните компании можат да ги избегнат царините ако одлучат да инвестираат во производството во Соединетите Држави.