По освоената титула во Хрватската фудбалска лига (ХНЛ), фудбалерите на Риека прославија историски успех, но токму во соблекувалната се случи момент кој стана вирален и дополнително го одбележа триумфот – откривање на скриена камера! Риека го совлада Славен Белупо со 2:0 во последното коло и официјално ја освои својата втора титула во хрватскиот шампионат, оставајќи ги зад себе Динамо Загреб и Хајдук Сплит.
Прославата започна веднаш по последниот свиреж, но вистинската еуфорија избувна во соблекувалната. Главна улога имаше босанскиот репрезентативец Стјепан Радељиќ, кој случајно забележа скриена камера поставена во соблекувалната. Камерата била дискретно наместена за да ги сними автентичните реакции на играчите по освојувањето на титулата.
Кога сфатил за што станува збор, Радељиќ веднаш ја извадил камерата, им ја покажа на соиграчите и започна спонтано и еуфорично славје – пеење, смеа и искрени емоции. Тој самиот почна да се снима, претворајќи ја скриената камера во алатка за прослава. „Змајот“ од БиХ зад себе има фантастична сезона – не само што беше клучен столб во одбраната на Риека, туку беше и прогласен за најдобар дефанзивец во првенството.
Покрај него, уште неколку фудбалери од Босна и Херцеговина беа дел од шампионскиот тим на Риека: Мартин Зломислиќ, Силвио Илинковиќ, Амер Гојак и Лука Менало. Нивниот придонес беше клучен во овој историски подвиг. Сепак, моментот со скриената камера стана симбол на славјето – искрен, неочекуван и полн со емоции. Токму такви се и шампионите на Риека оваа сезона – спонтани, борбени и обединети.