7
Српскиот претседател Александар Вучиќ изјави дека очекува Унгарците и Русите да достават обврзувачки дел од договорот во врска со Нафтената индустрија на Србија (НИС) во следните два-три дена.
Тој им рече на новинарите во Абу Даби, каде што престојува за Неделата на одржливост, дека се надева дека преговарачите ќе постигнат конечен договор до февруари или март и дека Србија ќе продолжи да се снабдува со нафта без никакви пречки.
Порача дека раководството на Србија ќе се стреми да најде што е можно повеќе различни извори на енергија и дека ќе се фокусира на обновливи извори и ќе разгледа мали нуклеарни централи.
Најави дека утре ќе се сретне со претседателот на Обединетите Арапски Емирати, шеикот Мохамед бин Зајед.