(не)СекојдневноАктуелноГраѓанскиПрепорачаниРегион

Свештеник: Земјотресите во Италија се Божја казна за хомосексуалните бракови

од Vladimir Zorba
81 прегледи

Ватикан се дистанцира од димите на Џовани Кавалколи

1478430810-watik

Италијански свештеник тврди дека катастрофалните земјотреси кои ја зафатиле земјата во последно време, се случиле поради дозволата за граѓанскиот брак и соживот на хомосексуалци. Отец Џовани Кавалколи изјави дека потресите  во кои загинаа стотици луѓе и оставија илјадници други без дом, е божја казна за хомосексуалните бракови, кои се “навреда за семејството и честа на бракот”, пишува “Дејли Меил”.

Коментарот на денот  на Кавалколи  е поради силниот потрес кој  ја погоди централна Италија со  6,6 степени по Рихтер – најсилен во историјата  во полседните 36 години.

Ова е трет голем земјотрес во регионот во рок од само 2 месеци. Радиостаницата, по која Кавалколи ја даде скандалозната изјава, се дистанцира од него.

Официјалната изјава на Ватикан е дека визијата за Бог како за одмаздникот, е пагански,  и датира од предхристијанската епоха.

Архиепископот Анџело Бечуи, кој е втор човек во државниот секретаријат на Ватикан, изјави дека коментарите на Кавалколи се “навредливи за верниците и е радост за неверниците”. Тој дури побара прошка од жртвите на земјотресот и ги потсети дека ја имаат солидарноста и поддршката на папата Францис.

Кавалколи, сепак, не попушти. Во друга радио станица, тој истакна дека катастрофите навистина се предизвикани од “гревовите на човекот” и препорача на Ватикан да си  ја прочитаат катехизамата.