Енормна загаденост во поголемите градови низ Македонија регистрираа последните два дена мерните станици. Македонија се задушува, метрополата тоне во смог и магла, а канцерогените ПМ10 честици ги пробиваат рекордите.

Дозволената граница на канцерогените честички е 50 микрограми на еден метар кубен, но изминатото деноноќие мерните станици измерија:

Шест пати поголема загаденост во Центар, Карпош и Гази Баба, дванаесет пати поголема загаденост во Лисиче, а рекордот беше регистриран во Куманово  со 750 микрограми на метар кубен.

Центар          –      304

Карпош        –      335

Лисиче                603

Гази Баба            330

Ректорат             466

Миладиновци    303

Битола                367

Кичево               220

Тетово                296

Велес                  205

Кавадарци         362

Куманово          747

Најголема е загаденост во вечерните часови. Граѓаните велат дека тешко се дише.

Поради надминување на граничните вредности на штетните честички пет последователни денови, Град Скопје препорачува меѓудругото граѓаните да го користат јавниот превоз и да  излегуваат од дома само доколку е тоа неопходно:

Се апелира до сите граѓаните

-да го користат јавниот превоз

-да не ги користат своите автомобили без поголема потреба

-при користење на автомобилот во него да се возат повеќе лица истовремено

-да користат суво и чисто дрво без примеси од земја и од отпадоци

-да не ги проветруваат просториите

-да излегуваат надвор само доколку е тоа неопходно

-малите деца, бремените жени, хрноничните болни и постари луѓе да не излегуваат воопшто

Проблемот со загаденоста се повторува секоја година, а мерките на надлежните не го подобрија квалитетот на амбиенталниот воздух.  Екологистите бараат државата прво да го реши проблемот со половните автомобили кои почнаа да се увезуваат во 2010, а кои до август годинава достигнаа бројка од 215.000./Тв 24 вести