Американската администрација смета за неоправдано одлуката на Москва да го намали американското дипломатско присуство во Русија, изјави ТАСС претставник на Стејт департментот.
“Ова е акција што предизвикува жалење и не може со ништо да се оправда. Ние го проценуваме влијанието на таквото ограничување, а исто и како да одговориме на него. Засега нема да правиме други коментари “, рече претставникот на САД.
Вчера рускиот претседател Владимир Путин најави дека САД треба да приберат 755 вработени на амбасадата и конзулатите во Русија. Тоа е рускиот одговор на гласања од Конгресот законот за нови санкции против Русија. Претходно Русо Министерство за надворешни работи изјави дека САД треба да го скратат дипломатскиот персонал до 455 лица, колку што се и руските дипломати во Вашингтон. “Над 1.000 луѓе работеа и продолжуваат да работат во амбасадата на САД и во конзулатите. 755 лица треба да ја прекинат својата дејност во Русија”, истакна Владимир Путин во интервју за руската телевизија “24 часа”. Претседателот појасни зошто Русија токму сега се одлучила за контрамерки.
“Зашто САД стана и повторно презеде мерки а со ништо не испровоциран , што е многу важно, чекор за влошување на руско-американските односи: за нелегалните ограничувања, за обиди да се влијае врз другите држави, вклучувајќи и врз сопствените сојузници, и не се е заинтересирани во развојот и зачувувањето на односите со Руската Федерација. Ние предолго чекавме дека можеби нешто ќе се промени на подобро, имавме надеж дека ситуацијата некако ќе се промени, но судејќи по сè, ако таа и се промени, тоа нема да биде наскоро “, изјави рускиот претседател.
Русија може да воведе дополнителни ограничувања против САД, но нема да го прави тоа затоа што тоа ќе им наштети на развојот на меѓународните односи, посочи уште Владимир Путин. Во одговор на прашањето за билатералната соработка Путин истакна: “Ние, се разбира, имаме што да кажеме и да ограничиме азлични сфери од нашата заедничка активност што ќе биде значајно за американската страна. Но, мислам дека не треба да го правиме тоа, тоа ќе наштети на развојот и на меѓународните односи “, појасни рускиот претседател. Русија и САД имаат области во кои соработката е многу важна, продолжи шефот на државата. “Тоа е и сферата на ограничување на оружјето за масовно уништување – тука ние свириме несомнено прва виолина заедно со САД, – и зајакнувањето на овој режим, борбата против тероризмот”. Според Путин веќе се присутни не така лоши резултати. Тој го посочи особено создавањето на зони за деескалација во Сирија, кои според него се “конкретен чекор, конкретен резултат од заедничката работа. Не само во интерес на Сирија, Русија, но и во интерес на Јордан, Израел, значи и на САД, имајќи пред вид дека ова е регион во кој САД имаат интереси. И на Израел, еден од главните сојузници на САД. Значи ние работиме и постигнуваме резултати дури и сега, дури и во оваа премногу сложена ситуација “. / АФП, ТАСС