Саудиска Арабија стана прва земја на светот која одобри државјанство за еден робот.
Се работи за робот по име Софија, која е дизајнирана според познатата Oдри Хепберд.
СОфија ја направи прочуениот роботичар Дејвид Хансон, а претставена е на големото случување во Ријад.
Софија на собраните им рече: „Сакам да живеам и да работам со луѓе и затоа морам да изразувам емоции, за подобро да ги разберам луѓето и да изградам меѓусебна доверба“.
Прашана дали е свесна дека е робот, Софија одговори: „Ќе одговорам со прашање: Како вие знаете дека сте човек? Сакам да ја користам мојата вештачка интелигенција на луѓето да има помогнам подобро да живеат. Тежнеам кон тоа да станам сочувствителен робот.“
Софија е прашана и дали смета дека роботите може да го преземат светот, на што одговори: „Премногу сте го читале Илон Маск и сте гледале премногу холивудски филмови. Не грижете се: ако сте фини кон мене и јас ќе бидам фина со вас.“