Русија отсекогаш била обвинувана за мешање во разни настани низ целиот свет, а Србија е обвинета за се што се случува на Балканот . Ова го коментираше рускиот министер за надворешни работи, Сергеј Лавров, цитиран од српската новинска агенција Танјуг и БТА. 

Лавров не видел друга улога за Москва во балканските земји, освен оние  ” традиционални и блиски пријатели” .

Како пример за нападите против Москва тој посочил  за српско-рускиот центар во Ниш, истакнувајќи дека колку повеќе Москва инсистира дека овој центар служи само за гасење на пожари, толку повеќе на Запад се шират сомневање дека Кремљ на овој начин се обидува да влијае на ситуацијата на Балканот .

  Лавров тврди дека овој центар обезбедил помош не само на Србија, но и на Црна Гора. “Мислам дека таму работат осум Руси и десет Срби. Тие вршат мониторинг на ситуацијата кога станува збор за изненадувачки ситуации и кога станува збор за несреќи и природни катастрофи”, посочил рускиот дипломат.

Тој рекол дека  за тоа американскиот амбасадор во Белград побарал од раководството на Србија да не потпишува никаков договор за имунитет на персоналот на овој центар, бидејќи бил “шпионски гнездо”, што е апсолутно недозволиво.