Барса ги згази Челзи, Меси со 100 гола на турнирот

Барселона го декласираше дома Челзи со 3: 0 во нивниот реванш од 1/8-финалето на Лигата на шампионите и со вкупен резултат 4:1 се пласира во следната фаза.

Првиот натпревар заврши на 1:1 на „Стемфорд Бриџ“.

Лионел Меси (3, 63) постигна два гола и ги заокружи своите 100 погодоци на најпрестижниот европски клубски турнир.

Усман Дембеле (20) се запиша во листата на стрелците помеѓу двата погодоци по асистенција на Аргентинецот.

Така Барселона стана последниот тим, кој обезбеди учество во 1/4-финалето по Манчестер Сити, Ливерпул, Севиља, Реал Мадрид, Рома, Јувентус и Баерн. Ждребот е во петок.