Двегодишната Кјара Мур од Кармартеншир во западен Велс, која следната седмица требало да наполни три години, трагично загинала кога еден крадец, кој украл автомобил додека девојчето било внатре, го турнал возилото во река со се неа.
Автомобилот бил украден вчера во 15:30 часот, а полицијата подоцна го пронашла во реката Тејфи. Спасувачките екипи го извадиле девојчето од автомобилот, а потоа го одвеле во болница.
Девојчето било пронајдено во сивиот автомобил, од кој крадецот се ослободил бегајќи од полициската потера.
Мајката на Кјара, Кимберли Роуландс, вчера во околу 15:30 часот буквално на една минута излегла од автомобилот за извади пари, и затоа го оставила девојчето внатре. Веднаш се вратила, но автомобилот не бил таму. Несреќната мајка се огласила и на Фејсбук. “Го видел ли некој мојот автомобил, украден е со мојата ќерка, која е внатре. Ве молам, споделете”.
https://www.youtube.com/watch?v=nX-rJlqfiWA
Полицијата два часа трагала по сребрениот “Мини Морис” и конечно го пронашла во реката Тејфи. Спасувачите успеале да го ослободат детето од возилото. Ја однеле малата Кјара во болница, но таа ја изгубила борбата за својот живот само една седмица пред да го прослави својот трет роденден.
https://www.facebook.com/moore.jethro/posts/10160423181575571
Таткото на Кјара, Џет Мур, потврдил на Фејсбук дека девојчето починало вчера во болница, со порака дека “имала прекрасен, но краток живот”.
Kiara Moore’s mum’s frantic appeals to find daughter before she was found dying in Cardigan river https://t.co/mxBH36ZkMH
— The Sun (@TheSun) March 20, 2018
Полицијата известила дека досега никој не бил уапсен и дека истрагата е во тек. Исто така ги замолиле сите потенцијални сведоци да се јават.