Една постара жена од шпанската покраина Галиција доживеа судбина на вистинска интернет ѕвезда, бидејќи нејзина фотографија стана многу популарна на социјалните мрежи.
Работејќи на текст за заштита на земјиштата од бури, една новинарка разговарала со една жена која работи во тој регион, а потоа ја фотографирала и оваа фотографија ја објавила на Instagram.
Фотографијата со рекордна брзина почна да се споделува на социјалните мрежи, поради неверојатната сличност на госпоѓата Долорес Леис Антело со американскиот претседател Доналд Трамп.
Долорес е родена во 1954 година и е десетина години помлада од американскиот претседател. За својата неочекувана слава дознала од својот внук, бидејќи таа не користи ниту компјутер, ниту мобилен телефон.
Woman who looks like Trump goes viral in Spain https://t.co/6o76G53nyy pic.twitter.com/bpA1OYXldm
— Adam Parkhomenko (@AdamParkhomenko) April 24, 2018
За разлика од американскиот претседател, кој постојано е активен на Twitter, Долорес не знае ништо за социјалните мрежи. Сепак, потполно е свесна за својата медиумска слава која сега ја доживеа.
„Се чини дека мојата фотографија успеала да стигне многу далеку. Мислам дека е целото тоа поради мојата коса“, изјавила таа за локалните медиуми во Галиција.
Se llama Dolores Leis, es gallega y se dedica a la agricultura, su foto fue publicada por @lavozdegalicia y se viralizó por su supuesto parecido a @realDonaldTrump Are you similar, Mr. President? pic.twitter.com/rhtOP7X1b2
— Miguel Ángel Verdún (@miguelverdun) April 24, 2018
Реакциите на корисниците на социјалните мрежи за фотографијата, најмногу се шеги на сметка на Трамп, па така некои корисници пишуваа дека попрво би гласале за Долорес отколку за Трамп, или дека нејзината фризура е подобра и слични твитови на сметка на претседателот.