Истражувачите од Универзитетот Колеџ Лондон развија нов лек за Хантингтоновата болест кој во досегашните тестови се покажа како сигурен и делотворен.
Експерименталниот лек се инјектира во спиналната течност на лицето со оваа невродегенеративна болест кој со деактивација на клучниот ген доведува до редуцирање на присутноста на токсични протеини во мозокот.
До сега собраните наоди сугерираат дека овој пристап може да доведе до најголем напредок во лечењето на хантингтоновата болест во последните 50 години.
Кај заболените доаѓа до изумирање на келиите на мозокот, што трајно негативно влијае на способноста за движење, однесување и памтење.
Хантингтоновата болест најчесто се јавува меѓу 30 и 50 година од животот, а повеќето пациенти живеат 10 до 20 години по појавата на симптомите. Ја предизвикува грешка во генот хантингтон кој содржи упатства за производство на истоимениот протеин, клучен за развој на мозокот.