Англиски The Sun објави шокантна видео-снимка на која се гледаат како играчи на Арсенал, за време на излегување вдишуваат азотен оксид, познат како гас за смеење.
На снимката се гледаат Сеад Колашинац, Александре Лаказете, Месут Озил, Пјер-Емерик Обамејанг, Матео Гендузи, Анри Митаријан и Шкордан Мустафи, како уживаат во забавата, а според снимката Митаријан и Мустафи не вдишуваат од гасот.
Играчите се снимени во клубот Тепе во август годинава, а првите информации велат дека на оваа забава биле дури 70 жени. Покрај гасот, играчите на Арсенал пиеле и шампањско и вотка, а потрошиле 30.000 фунти.
Еден од нив на кој не му одговарала ваква забава бил Гендузи кој се онесвестил.
Азотниот оксид не е забранет за продажба во Англија, освен на малолетници, а предизвикува смеење кога ќе се вдише. Ако конзументот нема доволно возхух, може и да умре.
Од Арсенал се немаат огласено по овој случај, а со оглед на тоа дека се случил на почетокот на сезоната, тешко е да се очекува дека играчите ќе бидат казнети. Арсенал е во низа од 20 натпревари без пораз во сите натпреварувања, а во последното коло ремизираше со Манчестер Јунајтед (2:2).