Ѕвездата на Пари Сен Жермен, Нејмар втора година по ред го прославува својот роденден повреден и не можеше целосно да ужива во големата забава што ја организираше во главниот град на Франција.
Повеќе од 500 гости, вклучувајќи ги блиските на Бразилецот и неговите соиграчи, го прославија празникот на Неј Џуниор. Популарниот ди-џеј Боб Синклер и бразилскиот пејач Весли Сафадан учествуваа во забавата.
Самиот Нејмар, кој наполни 27 години, се движеше со патерици и одржа емотивен говор говор. Како што зборуваше, напаѓачот не можеше да ги задржи солзите.
– Спортистите знаат колку е тешко да стојам тука со патерици. Но вие ми помагате да бидам силен. Се чувствувам среќен, благодарение на вас. Повеќе од се сакам да се вратам на теренот и да го правам она што најмногу сакам – да играм фудбал. Најдобар подарок за мене би бил нова метатарзална коска, рече Нејмар.
Тој призна дека по добиената повреда имал намера да ја откаже забавата, но се откажал од плановите за да не ги разочара своите пријатели.
Најактивни во забавата беа Килијан Мбапе и Даниел Алвеш, кои покажаа вештини во танцување во позадина на бразилскиот хит „Parado no Bailão“. Нејмар, исто така, се придружи, иако беше тешко да се движи.
'É um dia muito especial pra mim porque é meu aniversário. Eu tô passando por uma fase que é 100% difícil na minha vida. Mas eu me sinto feliz por ver a casa cheia (…) Para quem é atleta sabe que estar com muleta é complicado, é difícil. Mas eu tiro…'.
Via David Brazil pic.twitter.com/ARl089jLK4
— TNT Sports BR (@TNTSportsBR) February 5, 2019
Бразилскиот ас се повреди при победата на ПСЖ над Стразбур за Купот на Франција на 23 јануари. Ако се оди нормално, тој треба биде подготвен за игра во средината на април и да е на линија за четвртфиналето во Лигата на Шампионите, ако пред тоа неговиот тим се справи со Манчестер Јунајтед.