Кинескиот произведувач EHang во Виена за првпат во јавноста претстави такси-дрон. Станува збор за EHang 216, беспилотно летало кое може да превезува двајца патници на мали висини на оддалеченост до 35 километри.
Технологијата е достапна и подготвена за индустриско производство, но се чека одобрение од воздухопловните власти за ваков вид летало.
„Нашиот главен предизвик повеќе не е технологијата, туку прописите и тоа дали јавноста е подготвена за користење на овие направи“, изјави Дериок Ксионг, извршен маркетинг директор на компанијата.
На презентацијата присуствуваат новинари и фотографи, кои беа поканети на кратко пробно возење. Меѓу првите клиенти се нафтените компании, фирми кои се занимаваат со трансплантација на органи и туристички агенции. Такси-дронот нема да биде понуден на продажба за приватни купувачи. До 2021 година се планира производство на 300 дронови-такси.
Меѓу компаниите кои развиваат такси-дронови се Airbus, Boeing и германскиот Volocopter.
https://www.youtube.com/watch?v=nunujN4WzAk