Шаманите од Русија, Германија, Монголија и Полска изведоа обред  за повикување дожд на островот Олхон на езерото Бајкал, за време на кој жртвуваа храна. РИА Новости информираше за ова, осврнувајќи се на меѓурегионалната организација на шаманите на Тенгер.

 

Ритуалот се вика „Тајланган“. Тој е посветен на ослободување од природни непогоди. Во него учествуваа околу 50 шамани.

Според податоците на руската државна агенција за заштита на шумите од воздух „Авиалесоохрана“, во средата наутро во Русија  се работеше на гаснење на 147 шумски пожари на вкупна површина од 100 илјади хектари. Притоа значителна површина на шума е зафатена од оган во оддалечените области каде пожарите не се гаснат. Повеќето пожари се забележани во Сибир: на територијата на  Иркутската област и Краснојарскиот крај.