272
Играчот од средниот ред на Челзи, Н’Голо Канте, најверојатно ќе го пропушти дербито против Тотенхем в сабота.
Синоќа Французинот беше заменет во 12. минута од натпреварот против Манчестер Јунајтед, кој „сините“ го загубија со 0-2. Случката ги продолжи неволјите за 28-годишниот Канте, кој претрпе разни повреди од крајот на минатата сезона.
– После тоа што се случи вечерва, Н’Голо веројатно нема да биде подготвен за сабота. Тоа е повреда во адукторот и треба да се испита. На прв поглед, тоа изгледа лошо, изјави Лампард за „Скај Спортс“.
Менаџерот исто така потврди дека Кристијан Пулишиќ и Калум Хадсон-Одои нема да играат против „петлите“, додека напаѓачот Тами Абрахам е под знак прашалник.