Азиските акции паѓаат, а доларот ги задржува позициите денес, при што трговците избегнуваат поризични средства поради обновените стравови за КОВИД-19 и претходните податоци што се очекуваат подоцна во текот на денот за американската инфлација, што би можело да ја одреди насоката на каматните стапки утврдени од Федералните резерви.
Азиско-пацифичкиот индекс MSCI падна за 0,4 отсто, а јапонскиот Nikkei за 0,5 отсто.
Вчера американскиот S&P 500 се затвори за 0,72%, а технолошкиот Nasdaq Composite падна за 1,71%. Фјучерсите на S&P 500 пораснаа за 0,14% за време на азиската сесија денес.
Акциите и валутите кои реагираат добро на ризици се покажаа добро на почетокот на неделата, при што азиско-пацифичкиот индекс MSCI го забележа својот најдобар ден во последниве 2 месеци во вторникот, потпомогнат од индикациите дека варијантата „омикрон“ на КОВИД-19 можеби нема да наштети економски колку што првично се мислеше.
„Како што викендот се приближува кон крајот, фактот дека Европа се движи многу појасно кон заклучување и бројот на случаи во САД се зголемува, донекаде ги сврте работите“, изјави Роб Карнел, шеф на Азија-Пацифик во ING, за Ројтерс.
„И инвеститорите имаат став да не се изложуваат на преголем ризик во текот на викендот. Секако дека денеска очекуваме податоци за инфлацијата во САД, но мислам дека веќе на сите ни е јасно дека има инфлација во Соединетите држави“, додаде тој.
Американскиот индекс на потрошувачки цени (CPI) за ноември се очекува подоцна денеска, а прелиминарните очекувања се инфлацијата да порасне на 6,8% на годишно ниво во октомври, според студијата на Ројтерс.
Зголемувањето на инфлацијата над 6,2% од претходниот месец веројатно ќе се смета за причина ФЕД побрзо да ги ограничи стимулациите и побрзо да ги зголеми каматните стапки.
Акциите на кинескиот градежен гигант China Evergrande Group паднаа денеска за 1,5 отсто, откако го намалија рејтингот на компанијата.
Главниот индекс Hang Seng во Хонг Конг е намален за 0,24%, но глобалните пазари не се толку загрижени за најновите вести за сагата со Evergrande како пред неколку месеци.
Вчера, по втор пат оваа година, Централната банка на Кина им наложи на финансиските институции да чуваат повеќе девизни резерви, што пазарите го видоа како обид да се забави неодамнешниот пораст на јуанот.
Јуанот вчера загуби околу половина процент и денеска продолжи да поевтинува на 6,385 во однос на доларот.
Промените во другите валути беа во согласност со севкупниот пристап на ризици. Доларот ја задржа својата позиција, а еврото кое вчера падна за 0,4% останува под притисок, додека австралискиот долар благо падна.
Приносите на американските државни обврзници вчера благо паднаа откако тие за 10-годишните хартии од вредност за последен пат беа на ниво од 1,4888%.
Поевтинува и нафтата. Цената на американската лесна сурова нафта падна за 0,5% на 70,56 долари за барел. Брент загуби 0,47% на 74,08 долари за барел, додека златото поскапе. Цената на металот се зголеми за 0,2% до 1.777,8 долари за троја унца.