Бајден одобри прогласување вонредна состојба во Калифорнија

Американскиот претседател Џозеф Бајден го одобри прогласувањето на вонредна состојба во Калифорнија по невремето во кое загинаа најмалку 12 лица во изминатите 10 дена, а стотици илјади домови и бизниси оставија без струја.

Декларацијата за вонредна состојба ја овластува Федералната агенција за управување со вонредни состојби (ФЕМА) да ги координира напорите за помош при катастрофи и да ги мобилизира ресурсите за итни случаи, соопшти Белата куќа.

Силната тихоокеанска бура во последните денови, придружена со обилни врнежи од дожд и снег, предизвика поплави и лизгање на земјиштето низ Калифорнија, а во Санта Круз подигна огромен бран кој уништи пристаниште, пренесе „Ројтерс“.