„Билд“: Дали Русија ја финансира антиевропската кампања во Албанија?

Најголемата опозициска партија во Албанија, Демократската партија на Лулзим Баша, прави сè што може за да ја спречи земјата да ги започне преговорите со ЕУ преку продлабочување на внатрешните конфликти, можеби во интерес на Русија за регионот “, објави Билд во својата истрага.

Германскиот весник со најголем тираж својата истрага ја базира на Баша, канадскиот лобист и политички стратег Ник Музин и неколку руски компании поврзани со Кремљ. Според нив постојат докази за нивно активно лобирање за блокирање на европската интеграција на земјата.

Документите на Министерството за правда на САД покажуваат дека Музин се занимава со лобирање од албанската опозициска партија.Тој е еден од најпознатите лобисти во Северна Америка, во чиј список на клиенти се наоѓаат и поранешниот претседател Џорџ Буш, сенаторите Тед Круз и Џон Мекејн, како и Доналд Трамп. За тримесечна обврска, Музин доби 675.000 евра од Демократската партија на Албанија. Надоместокот и потеклото на парите сега отвораат многу прашања за Баша, чиј договор е потпишан.

Минатиот јуни, поради оваа исплата, обвинителството во Албанија отвори постапка против Баша. Лидерот на опозицијата ги отфрла обвинувањата и тврди дека владата води кампања против него.

Од каде потекнуваат парите?

Според американските власти, најголемата исплата ја извршила компанијата „Биниат Трејд“, со седиште во Единбург.

„Има докази од соработката со Бинијат низ целиот свет: од Шкотска до Белизе па се до Русија“, напиша Билд. Но, формално компанијата нема такви средства, бидејќи според законот во Велика Британија, таа има само 100 фунти почетен капитал. Во приказната е вмешано и американското списание „Mother Jones“, кое минатата година откри дека влијателни руски бизнисмени стојат зад шкотската компанија за оф-шор. Еден од нив е Евгениј Шереметјев, кој поседува удели во неколку руски компании.

„За албанскиот премиер Еди Рама, ова е јасен сигнал дека Русија стои зад активностите на лобистот на Музин. Бидејќи Русија нема интерес за пристапување на Албанија во ЕУ. ”

„(…) Сомнителните махинации се покажаа успешни, иако ЕУ ги предупреди опозицијата дека бојкотот на парламентот и домашната политичка дестабилизација може да го загрозат патот на Албанија во ЕУ“, напиша Билд.