Борел: ЕУ сака да избегне зависност од Кина, како во случајот со рускиот гас

Европската унија се обидува да ја избегне зависноста од Кина како што беше зависна од рускиот гас, изјави високиот претставник на ЕУ за надворешна политика и безбедност, Жозеп Борел, повикувајќи на зајакнување на трговијата со Латинска Америка.

„Откривме дека зависностите, кои беа градежни елементи на мирот, се исто така оружје кое може да се сврти против нас“, рече Борел за време на говорот во саботата на Иберо-американскиот самит во Санто Доминго, Доминиканска Република, посочувајќи на „прекумерната зависност на Европа од рускиот гас“, пренесоа агенциите.

Ова излезе на виделина со руската инвазија на Украина, бидејќи Москва го ограничи снабдувањето со гас во Европа и го принуди континентот да најде други патишта за снабдување.