Еве како белобрадиот старец патува по светот за време на празничната ноќ
Британската истражителка д-р Кејти Шин од Ексетрскиот универзитет објасни како Дедо Мраз патува по светот, а притоа користејќи ја Теоријата на релативитетот на Ајнштајн, пишува “Дејли мејл”.
Добриот старец ја намалува својата големина и патува со брзина од 10 милиони км / ч. Тој може да биде виден како зелена трошка додека санките летаат на небото.
Д-р Кејти Шин одлучи да даде одговор на прашање кое ја измачува откако била на 7 години. Тогаш таа напишала писмо до Дедо Мраз и го прашала зошто никогаш не старее. Одговорот кој го добила, бил дека се должи на магија. Но идната научничка сакала повеќе рационално објаснување и го дава сама 26 години подоцна.
Дедо Мраз се спушта по тесни оџаци, го обиколува светот, без да биде виден или чуен и носи подароци на 700 милиони деца за 31 час, совладувајќи различните временски зони.
Според теоријата на релативитетот на Ајнштајн објектите кои патуваат со голема брзина, ја намалуваат големина. Тоа значи дека Дедо Мраз се намалува, што му овозможува да го одржи надуениот стомак и големата вреќа и со подароците да влезе низ оџаци, вели д-р Кејти Шин.
Исто така тој е омилен кај сите деца затоа што се движи незабележано, бидејќи светлосните бранови се уништуваат при високи брзини. Тоа прелевање е повеќе од 200 000 пати побрзо од најбрзиот човек во светот Усаин Болт, пресмета таа. При движењето Дедо Мраз ја менува бојата од црвена до зелена и може да се види како нејасно црта со боите на виножитото. Но, кога брза најмногу, старецот е целосно невидлив за човечкото око.
Д-р Кејти Шин даде корисни одговори за родителите чии деца поставуваат прашања во врска со Дедо Мраз. Таа се надева дека нејзината теорија го поттикна интересот за физиката кај децата и ќе ја претстави јавно на божиќниот фестивал на науката во Ексетрскиот универзитет.