Цените на нафтата се стабилизираа на меѓународните пазари под 88 долари во вторникот, бидејќи трговците се загрижени за податоците од кинеската економија, поттиснувајќи ги во втор план стравувањата од ескалација на конфликтите на Блискиот Исток.
Во Лондон, откако подната цена на барелот со датум на испорака во декември беше за 21 цент повисока од претходното затворање на трговијата и изнесуваше 87,66 долари. Поактивно се тргуваше со барели за испорака во јануари, исто така по речиси непроменета цена од 86,42 долари.
Позначителни ценовни промени немаше ниту на американскиот пазар каде барелот се тргуваше по 82,35 долари, пренесува „Хина“.
Трговците во вторникот беа загрижени од податоците кои покажаа забавување на деловната активност во кинеската економија во октомври, што може да значи послаба побарувачка. Официјалниот индекс на менаџери за набавки падна под 50 поени, што укажува на пад на активноста.
Забавувањето на побарувачката навестува пад на активноста во еврозоната во третиот квартал од 0,1 отсто во однос на претходните три месеци, се вели во прелиминарната проценка на Евростат.
Во октомври инфлацијата падна на најниско ниво во последните две години, на 2,9 отсто.