Брз метаболизам значи дека можете брзо да пристапите до енергија од храната и ефикасно да се ослободите од отпадот. Бавниот метаболизам, од друга страна, има спротивен ефект.
Постојат многу различни процеси, сигнали и сложени патишта кои го контролираат нашиот метаболизам кои го вклучуваат мозокот, мускулите, клетките и органите. Една од најчестите заблуди во кои луѓето веруваат е дека одреден вид на храна може да го забрза метаболизмот.
Научниците ја отфрлаат идејата како „лажна“, а теоријата дека зачините како буковецот или црвениот пипер и пијалоците како зелениот чај го забрзуваат нашиот метаболизам се заснова на она што експертите го нарекуваат „многу лабави научни тврдења“.
Она што супстанциите како кофеинот можат да го направат е да направат повеќе масни киселини достапни во мускулите кои ќе се користат за енергија, но тоа е сосема различно од специфичното согорување на маснотиите.
Метаболизмот во основа е токму начинот на кој нашето тело одлучува да создаде енергија, а се работи за претворање на калориите што ги внесуваме во енергија.
Природните „бустери“ како што се кофеинот и зачините во суштина не го забрзуваат метаболизмот, туку помагаат да се искористат супстанциите потребни за енергија. А, крајната цел за зајакнување на метаболизмот всушност не е користење повеќе енергија, туку ефикасност и зачувување на енергијата, пишува Healthline.
Важно е да се спомене дека на некои намирници им треба повеќе енергија за разградување и варење, како што се храната богата со протеини и растителни влакна.
Една мала студија од 2021 година покажа дека исхраната богата со протеини ја зголемува дневната потрошувачка на енергија во споредба со исхраната со малку протеини. Но, тоа не значи дека вашето тело значително се променило или дека вашето целокупно метаболичко здравје е подобрено,