Дискусија за литературните жанрови на фестивалот „Букстар“

од Vladimir Zorba

   На Фестивалот на европската книжевност „Букстар“ (BookStar) вечер од 20 часот во Кино Култура ќе се одржи книжевна маса на тема „Ограничувањата и предностите на жанровската литература“. Ќе учествуваат Елизабета Шелева, Влада Урошевиќ и Калина Малеска, како и авторот-гостин од Шведска Хокан Несер. 

Организаторот на фестивалот, издавачката куќа „Антолог“, соопшти дека ќе бидат отворени повеќе прашања, на пр. како одредена литература што припаѓа на строго одреден жанр станува литература што ги надминува капацитетите и можностите на жанрот; дали жанрот ограничува или дава слобода; може ли да се зборува за жанрови во денешната ситуација со литературната сцена итн.

По оваа дискусија, со почеток во 21 часот ќе бидат прикажани филмовите „Четврток“, „Пред дождот“, „Крајот на времето“ и најава на новиот филм „Бикини мун“ на режисерот Милчо Манчевски.

„Антолог“ информира дека утре во нивната книжарница (ул. „Димитрие Чуповски“ бр. 31) во 11 часот ќе биде организирана средба со шведскиот автор Хокан Несер, а вечерта од 20 часот во Клуб ресторанот МКЦ ќе биде промовиран неговиот трилер-роман „Во окото на свеста“.

loading...

Слични содржини