Германците сакаат да забранат извоз на лек за дијабетес: „Има недостиг затоа што го користат за слабеење“

од Stefanija Kuzmanovska
339 прегледи

Шефот на германскиот регулатор за лекови BfArM размислува да го забрани извозот на лекот за дијабетес Ozempic на компанијата Novo Nordisk, кој е многу баран за неговите ефекти за губење на тежината, за да спречи недостиг на понудата, пишува „Ројтерс“.

Ozempic е одобрен за третман на дијабетес тип 2, но сè повеќе се препишува „off-label“ за слабеење бидејќи ја има истата активна состојка како и исклучително популарниот, но редок лек за дебелина на компанијата Novo, Wegovy.

„Во моментов разговараме со претставниците за тоа што ќе направиме доколку сегашните мерки и јавни пораки не покажат ефект“, рече претседателот на BfArM Карл Броих за магазинот Spiegel и додаде:

„Тогаш би размислувале да воведеме забрана за извоз за да остане доволно лек во земјава за пациентите на кои им е потребен“.

Истакна дека лекот оди во други европски земји и во САД. Најголемата побарувачка е поттикната токму од неговата употреба за губење на тежината.

Броих предупреди дека извозните ограничувања може да се користат само ретко и дека правните пречки се високи поради единствениот пазар на Европската унија. Тој додава дека достапноста на лекови е ограничена од пролетта годинава и покрај напорите на производителите на лекови да го зголемат производството.

Слични содржини