Голем пожар во Хрватска: 40 пожарникари се борат со пламените јазли

од Берта Китинска

Сè уште е активен голем шумски пожар во месноста Рајиќ кај Новска, а го гаснат 40 припадници на локалните противпожарни бригади, јавија денеска хрватските медиуми.

Распореден е и хеликоптер со MTV Mi8 апарат за гаснење, известија од Хрватската противпожарна бригада, пренесува Index.hr.

На терен се 40 пожарникари со 12 противпожарни возила, а во гаснењето учествуваат и припадници на Шумската служба.

– Пожарот зафати дабова шума на површина од 15,7 хектари. Противпожарната интервенција е во тек, а се работи за млада шума и непристапен терен со многу карпи, па во гаснењето на пожарот се вклучи и воздухопловството. Пожарот го имаме под контрола и работиме на негово локализирање – изјави главниот командант на пожарникарите Славко Туцаковиќ.

Слични содржини