Група израелски анти-ваксери поднесоа тужба против израелската влада до Меѓународниот кривичен суд (МКС), тврдејќи дека сметаат дека вакцинацијата и политиката на поттикнување на вакцинацијата во таа земја е „злосторство против човештвото“ според Нирнбершкиот кодекс.
„Нашата намера е детално да ви презентираме како оваа година во Израел, Владата со своите министри, членови на парламентот, градоначалници и други значајни фактори го крши Нирнбершкиот кодекс несомнено, крајно, незаконски од многу аспекти“, групата „Луѓе на вистината“ рече во тужбата.
Таа наведува дека Израелците не биле информирани дека биле дел од, како што го нарече, „медицински експеримент“ и дека премиерот на Израел, Бенјамин Нетанјаху, потпишал договор со фармацевтската компанија „Фајзер“ за набавка на големи количини на вакцини доколку Израелците се користат за експериментот.
Во тужбата се вели и дека државата не презентирала алтернативи за третман со коронавирус и дека криела информации за вакцините.
Директорот на Фајзер, Алберт Бурла, неодамна го обележа Израел како светска лабораторија поради стапката на вакцинација, која дава податоци за ефектите врз здравјето и економијата.