Јапонците објавија колку потрошиле за Олимписките игри во Токио

Трошоците за организација на овогодинешните Олимписки и Параолимписки игри во Токио биле помали од очекуваното, објави јапонската новинска агенција Кјодо. Таа од официјални извори дознала дека трошоците биле помали за 150 милијарди јени (1,2 милијарди евра).

Иако немаше публика, а со тоа и приход од билети, за намалување на трошоците помогна потребата од помалку персонал, а беа преземени и некои други мерки за штедење.

Вкупните трошоци за организирање на игрите на товар на сојузната влада и градот Токио треба да бидат 11,7 милијарди евра, што е двојно повеќе од планот на јапонските организатори и Меѓународниот олимписки комитет за време на Олимписките игри во Токио во 2013 година.