Анализата на откритијата за обдукција на пациенти кои починале од коронавирус, спроведена од професорот Греам Кук, специјалист за заразни болести на Империал колеџ во Лондон, јасно покажале дека сите жртви имаат згрутчување на крвта или некоја форма на тромбоза.
Тоа можеби не била директната причина за секоја смрт, пишува „Дејли Мејл“, но наодите, кои допрва треба да бидат објавени, ја поддржуваат теоријата дека ковид-19 предизвикува кардиоваскуларни проблеми. И покрај фактот дека короната генерално се смета за респираторна болест која ги напаѓа белите дробови, оваа инфекција може да оштети други органи во тешки случаи. Се покажа дека згрутчувањето на крвта се појавило како една од компликациите.
„Направивме голем број на обдукции и откривме докази за тромбоза кај секој починат пациент. Видовме пациенти со коронарна тромбоза (згрутчување на крвта во срцевиот сад) и васкуларна тромбоза (згрутчување на крвта во вената). Значи, се чини дека тоа е важен дел од болеста, во смисла дека го активира системот за коагулација “, рече професорот Кук.
Згрутчувањето на крвта е процес што вклучува фази, од кои првиот е познат како активирање на тромбоцити, што се јавува кога тие ја менуваат формата од рамен диск во сфера и се собираат така да формираат чеп.
„Важно е да се напомене дека ковид-19 е мултисистемска болест. „Една од карактеристиките што ја разликува од другите тешки вирусни заболувања е што станува збор за хиперкоагулабилна состојба која се чини дека е поврзана со подоцнежни дијагнози“, додаде овој доктор.
Хиперкоагулабилна состојба се јавува кога згрутчување на крвта повеќе од потребно, и може да биде дел од нарушување на крвта или да биде предизвикано од лекови, рак, срцев удар или ХИВ. Опасно е затоа што може да доведе до формирање на згрутчување на крвта во вените, што може да патува низ крвотокот и да предизвика венска тромбоза. Може да предизвика белодробна емболија – згрутчување на крвта во белите дробови и зголемен ризик од мозочен удар или срцев удар, силна болка во нозете, отежнато одење…
Британските лекари велат дека забележале голем број на пациенти заразени со вирусот на корона кои имаат проблеми со згрутчување на крвта, а професорот Рупен Арија од „Кингс колеџ“ во Лондон вели дека во мај дури 30 проценти од пациентите имале згрутчување на крвта.
„Мислам дека стана очигледно дека тромбозата е голем проблем“, рече тој за Би-Би-Си.
Лекарите веруваат дека сите пациенти примени во болницата со ковид треба да добијат мала доза на лекови за разредување на крв, со цел да се спречи формирање на згрутчување на крвта, пишува Тајланд Медикал њуз.