Омилениот холивудски актер Кијану Ривс на овогодинешните доделувања на Оскарите ја понесе својата мајка, Патриција Тејлор.
Но, иако со тој потег заработи дополнителни симпатии од јавноста, предизвика и конфузија.
Имено, во описот на нивната фотографија од црвениот тепих на агенцијата Getty Images неговата мајка ја замениле со неговата девојка, 47-годишната уметница Александра Грант.
Доколку случајно пропуштивте, при крајот на минатата година Кијану за прв пат по 35 години се прошета на црвениот тепих со девојка која и тогаш, поради нејзината седа коса, многумина ја заменија за многу постарата актерка Хелен Мирен, а сега и за неговата мајка.
Многу обожаватели и во двата наврати застанаа во одбрана на актерот, истакнувајќи дека е вистинско освежување што Кијану е во врска со некој близок до својата возраст, за разилка од повеќето холивудски ѕвезди.