Хои Ан е крајбрежен град покрај Јужното Кинеско Море во Виетнам, кој неодамна стана исклучително популарен меѓу туристите. Некогаш пристанишен град, сега е туристичка дестинација со прекрасни плажи и пријатни температури кои во март достигнуваат околу 28 степени Целзиусови, пренесе „Punkufer“.
Ако се најдете во Хои Ан, истражете го неговиот стар град, кој е заштитен и е на листата на светско наследство на УНЕСКО. Можете да уживате во тесните кривулести улички украсени со шарени лампиони, традиционални градби и бројни продавници за сувенири.
Една од посебните карактеристики на Хои Ан се нејзините бројни кројачки продавници – таму можете да набавите облека по нарачка по многу пристапни цени.
Згора на се, треба да ја пробате и одличната локална храна, особено „као лау“ – тестенини со свинско месо и зеленчук, виетнамскиот „бан ми“ сендвич, но и бели кнедли од ориз наречени „banh bao vas“.
Некои сметаат дека причината за зголемениот интерес за Хои Ан лежи во тоа што минатата година во традиционалното истражување на British Post наречено „World Holiday Cost Barometer“, тој беше прогласен за најевтин град во светот за патници.
За да дојде до овие податоци, Британската пошта спореди осум популарни артикли на кои нивните туристи обично трошат пари додека се на одмор: оброк од три јадења за двајца, шолја кафе, шише локално пиво, лименка кола, чаша вино, шише негазирана вода, крема за сончање и средство против инсекти.
Излегува дека цените во Хои Ан се исклучително прифатливи, а во некои сегменти значително поевтини отколку во другите земји. Половина литар пиво во овој виетнамски град чини само 1,16 британски фунти или околу 1,38 евра, а кремата за сончање чини 4,40 евра.