Реал Мадрид вчера ја освои својата 35. титула на Шпанија, а голманот на Мадрид, Тибо Куртоа ја искористи можноста да ги исмева најголемите ривали, Барселона за време на прославата на титулата.
Не така одамна, Реал беше поразен на „Сантијаго Бернабеу“ од Барселона на Чави со 4:0, а оваа победа во Барселона ја сфатија како сигнал дека Барса може да се вклучи во трката за титулата до крајот на сезоната.
Победата се прослави бурно, но потоа избраниците на Чави не се прославија, па Реал на четири кола пред крајот ја освои титулата.
Токму ова ниво на доминација на мадридскиот тим го поттикна Куртоа да ги исмева ривалите од Барселона.
„Некој славеше по Ел Класико како да ја освоил лигата“, рече Куртоа во изјава за „ТВ Мовистар“ по победата над Еспањол и со насмевка ја напушти микс зоната за да ја прослави победата со соиграчите.