94
Поп ѕвездата Мадона им допушти на своите обожаватели да влезат во нејзиниот личен свет. Таа објави видео со посвоените близначки во Инстаграм. Во видеото двете девојчиња заедно ја исполнуваат детската песничка Twinkle, Twinkle Little Star во придружба на пијано. За неколку часови клипот е гледан близу 440.000 пати.
Пред десетина дена пејачката потврди дека презела грижата над две 4-годишни девојчиња од африканската држава Малави. Тие се викаат Естер и Стела. Мадона веќе посвои други две деца од истата земја во 2006 и 2009 година. Пејачката има и биолошка ќерка и син.
Во 2006 година, Мадона ја основа фондацијата “Raising Malawi”, за да ги брани сирачиња и ранливи деца во земјата. Таа исто така спонзорира училишта и болници.