Манчевски со повик до роднини на функционери да се повлечат од работните места во администрација

Министерот за информатичко општество, Дамјан Манчевски ги повика роднините на функционери од власта и од опозицијата да се повлечат од своите работни места во јавната администрација.

Според него,  вработувањата ќе бидат доставени за анализа во Антикорупциска комисија.

-Ургентно е веднаш да се повлечат и тие од власт и од опозицијата. Ги повикуваме сите и до власта и од опозицијата да се повлечат, сите податоци и за едните и за другите ќе ги доставиме до Антикорупциска комисија, изјави Манчевски.

Тој додаде дека не знае колкумина се веќе вработени, а кои се блиски до функционерите од власта и оти во иднина ќе има измени во начинот на вработувања. Тој го лоцира проблемот во раководната служба.