Поранешната членка на „Спајс грлс“, Мелани Браун, попозната како Мел Би (46), им се пожали на своите следбеници дека дури и по пет недели, не успеала да го надмине коронавирусот.
Пејачката објави неколку фотографии на Инстаграм кои ја потсетуваат на идилата и уживањето додека не беше болна.
– Во глава сум на Малдиви. Какво прекрасно место, кристално чисто море и мое расипано однесување во вила наречена по мене. Но, во реалноста, сега сум завиткана во кревет и се обидувам да го надминам ковид -вирусот – напиша Мел Би.
Таа додаде дека вирусот не е шега, туку дека во ова тешко време, таа е барем благодарна на платформата за гледање филмови, Нетфликс.
„Жал ни е што го слушаме тоа, ви посакуваме брзо закрепнување“, „Силна си, ќе го издржиш ова и ќе бидеш како нова“, напишаа нејзините обожаватели под објавата.
Пејачката има три ќерки, најстарата Феникс Ши (22) ја доби во бракот со Џими Гулзар, Енџел Ајрис (14) со Еди Марфи и Медисон (10) со Стивен Белафонте, во брак што сака побрзо да гозаборави, бидејќи нејзиниот сопруг ја малтретирал.
– Бев во брак десет години. Не баш најубавиот брак. Се изолирав од пријателите и семејството, ја загубив самодовербата и речиси го загубив животот. Мислев дека е моја вина, дека сум глупава и дека нема принудна врска. Емоционалната злоупотреба е епидемија која влијае на многу луѓе и „срамот“ поради тоа страдате во тишина. Не се срамам повеќе – призна претходно Мел Би.