Над 794.000 новозаразени и 12.470 починати од корона за 24 часа

Над 794.000 случаи на коронавирус се регистрирани во претходните 24 часа во светот, така што вкупниот број на пациенти од почетокот на пандемијата Ковид-19 надмина 146,84 милиони луѓе, објави Светската здравствена организација (СЗО) во дневниот билтен.

Бројот на потврдени случаи за 24 часа е 794.573, додека 12.470 починале, пренесува агенцијата ТАСС.

Покрај скоро 147 милиони заразени од почетокот на кризата, починале 3.104.743 лица.

Југоисточна Азија има најмногу инфекции на ден – повеќе од 46 проценти (366.552 случаи), следени од Северна и Јужна Америка (201 644), а потоа Европа (134 957).

Најмногу инфицирани од почетокот на пандемијата има во Соединетите држави (31.708.445), следени од Индија (17.313.163) и Бразил (14.308.215).