Кремљ продолжува да презема посебни безбедносни мерки заради пандемијата на коронавирус за организација на состаноци со рускиот претседател Владимир Путин, изјави денеска портпаролот на Кремљ, Дмитриј Песков.
– Лична средба со него е можна или по периодот на карантин или по многу темелно тестирање – им рече Песков на новинарите, пренесе Тасс.
Тој додаде дека специјалните мерки пред лице в лице со Путин зависат од ситуацијата и поединецот.
– Додека се на работа, некои луѓе можат да бидат во контакт со заразени лица, некои од соговорниците на претседателот можеби биле болни неодамна и така натаму и така натаму. Затоа некои се подложени на многу темелно тестирање, некои остануваат во карантин неколку дена, некои помалку денови – објасни портпаролот на Кремљ.
Според него, имајќи предвид дека ситуацијата е далеку од сосема нормална, се преземаат посебни мерки на претпазливост во врска со шефот на државата.
– Во исто време, ова не го спречува шефот на државата да го интензивира својот распоред за работа – забележа Песков, објаснувајќи дека мислел на неговите состаноци и разговори во регионите.