Нема лекови ниту вакцина, но Јужна Кореја успеа да им помогне на заразените: Двајца ја победија Ковид-19 по оваа терапија

од Aleksandar Petrovski

Двајца постари Јужнокорејци заболени од коронавирус се опоравиле од тешка пневмонија откако биле третирани со плазма од пациенти кои се опоравуваат од вирусот.

Научниците откриле дека пациентите со ковид-19 можат да бидат третирани со крвната плазма на пациенти кои ја совладале болеста, која содржи потенцијално корисни антитела.

Плазма-терапијата може да биде „алтернативен третман за критично болните пациенти кои не реагираат добро на антивирусни лекови“, рекол Чои Јун-Јонг, доктор во една болница во Сеул, каде што се лекуваат двајцата пациенти.

Сепак, потребно е посеопфатно клиничко тестирање за да се докаже ефикасноста.

Еден пациент е 71-годишен маж, чија состојба е подобрена откако добил антитела од 20-годишен излечен пациент со стероиди.

Здравствената состојба на другата пациентка (67) првично не била подобрена со земање лекови, поточно со лекови за маларија и терапија со кислород.

Квон Јун-Вок, од Центарот за контрола на болести во Сеул, оценил дека лечењето со плазма е „важно“, со оглед на тоа што досега не се достапни лекови или вакцини против ковид-19.

Плазма-терапијата веќе ја покажа својата ефикасност, за време на експерименталниот третман од мали размери на други заразни болести како што се ебола и САРС.

Париските болници во моментов спроведуваат истражувања на 60 пациенти, а слично е во САД и Кина.

loading...

Слични содржини