Нетанјаху: Израел не сака да ја освои, окупира или да владее со Газа

Израелскиот премиер Бенјамин Нетанјаху соопштил дека неговата земја не сака да го освои, окупира или владее со појасот Газа по војната против Хамас, но дека „кредибилните сили“ ќе мора да влезат во палестинската енклава доколку е потребно за да се спречи воена закана.

„Ние не сакаме да ја освоиме, не сакаме да ја окупираме и не сакаме да владееме со Газа“, изјавил Нетанјаху во четвртокот за „Фокс њуз“.

Тој додал дека во Газа ќе треба да се формира цивилна влада, но дека Израел ќе се погрижи напад како оној на 7-ми октомври да не се повтори.